Қолданбаларды орнату параметрлерін конфигурациялаудың бірінші және негізгі тәсілі әмбебап болып табылады және қолданбаларды орнатудың барлық тәсілдеріне жарамды болып келеді: Kaspersky Security Center құралдарымен де, үшінші тарап құралдарының көпшілігі көмегімен де. Бұл тәсіл Kaspersky Security Center-де қолданбалардың орнату пакеттерін құруды білдіреді.
Орнату пакеттері келесі тәсілдермен жасалады:
Жасалған орнату пакеттері ішкі қалталары мен файлдары салынған қалталар болып саналады. Бастапқы дистрибутивтен басқа, орнату пакеті өңделетін параметрлерді (инсталлятордың өзінің параметрлерін және орнатуды аяқтау үшін операциялық жүйені қайта іске қосу қажеттілігі сияқты жағдайларды өңдеу ережелерін қоса), сондай-ақ шағын көмекші модульдерді қамтиды.
Белгілі бір қолдау көрсетілетін қолданбаға тән орнату параметрлерінің мәндері, орнату пакетін жасау кезінде Басқару консолінің пайдаланушы интерфейсінде белгілеуге болады (конфигурациялаудың одан да көп параметрлері әлдеқашан жасалған орнату пакетінің сипаттарында қолжетімді болуы мүмкін). Бағдарламаларды Kaspersky Security Center құралдарымен қашықтан орнатқан жағдайда, орнату пакеттері бағдарлама инсталляторын іске қосқан кезде оған әкімші белгілеген барлық параметрлер қолжетімді болатындай етіп құрылғыға жеткізіледі. "Лаборатория Касперского" бағдарламаларын орнатудың үшінші тарап құралдарын пайдаланған кезде құрылғыда бүкіл орнату пакетінің, яғни дистрибутив пен оның параметрлерінің болуын қамтамасыз ету жеткілікті. Орнату пакеттері Kaspersky Security Center тарапынан жалпы деректер каталогының тиісті қалтасында жасалады және сақталады.
Орнату пакеттерінің параметрлерінде артықшылықты есептік жазбалардың деректерін көрсетпеңіз.
Үшінші тарап құралдарымен орналастырмас бұрын, "Лаборатория Касперского" бағдарламалары үшін параметрлерді конфигурациялаудың осы тәсілін қалай қолдануға болатындығы туралы "Microsoft Windows топтық саясаттар механизмі көмегімен орналастыру" бөлімінен қараңыз.
Kaspersky Security Center орнатылғаннан кейін, бірден орнатуға дайын бірнеше орнату пакеттері, соның ішінде Microsoft Windows платформасына арналған Желілік агент пакеттері мен қауіпсіздік бағдарламалары автоматты түрде жасалады.
MSP клиентінің желісіне қолданбаларды орналастыру үшін орнату пакеттерін пайдалану, кейбір жағдайларда MSP клиенттеріне сәйкес келетін виртуалды Серверлерде орнату пакеттерін жасау қажеттілігін білдіреді. Виртуалды Серверлерде орнату пакеттерін жасау, әртүрлі MSP клиенттері үшін орнату пакеттерінде орнатудың әртүрлі параметрлерін пайдалануға мүмкіндік береді. Бұл, ең алдымен, Желілік агенттің орнату пакеттерінде қажет, өйткені әртүрлі MSP клиенттерінің желілерінде орналастырылған Желілік агенттер Басқару серверіне қосылудың әр түрлі мекенжайларын қолданады. Шын мәнінде, байланыстың мекенжайы және Желілік агенттің қандай виртуалды Серверге қосылатынын анықтайды.
Виртуалды Серверде тікелей жаңа орнату пакеттерін жасау мүмкіндігіне ие болумен қатар, виртуалды Серверлерде орнату пакеттерімен жұмыс істеудің негізгі режимі – негізгі Сервердің орнату пакеттерін виртуалды Серверге тарату болып табылады. Таңдалған (немесе барлық) пакеттерді таңдалған виртуалды Серверлерге (соның ішінде таңдалған басқару тобына кіретін барлық Серверлерге) тиісті Басқару сервері тапсырмасы арқылы таратуға болады. Жаңа виртуалды Серверді жасау кезінде, шеберді негізгі Сервердің орнату пакеттерінің тізімін таңдауға болады. Таңдалған пакеттер жаңадан жасалған виртуалды Серверге бірден таралады.
Орнату пакетін тарату кезінде, оның ішіндегісі толығымен көшірілмейді. Виртуалды Серверде таратылған орнату пакетіне сай келетін файл қоймасында, осы виртуалды Серверге тән параметр файлдары ғана сақталады. Орнату пакетінің негізгі, өзгеріссіз бөлігі (орнатылатын қолданбаның дистрибутивін қоса) тек негізгі Сервердің қоймасында ғана сақталады. Бұл, жүйенің өнімділігін айтарлықтай арттыруға және қажетті дискілік кеңістіктің көлемін азайтуға мүмкіндік береді. Виртуалды Серверлерге таратылған орнату пакеттерімен жұмыс істеу кезінде (яғни қашықтан орнату тапсырмаларын жұмыс істеген кезде немесе жеке орнату пакеттерін жасау кезінде), виртуалды Серверде таралған пакетке сай келетін параметрлері бар файлдар мен негізгі Сервердің бастапқы орнату пакетіндегі деректер "қосылады".
Бағдарламаға арналған лицензиялық кілтті орнату пакетінің сипаттарында белгілеуге болатынына қарамастан, осы лицензия тарату тәсілін қолданбаған жөн, себебі қалтадағы файлдарға қатынасу мүмкіндігін кездейсоқ алып, оларды оқып қоюға болады. Автоматты түрде таратылған лицензиялық кілттерді немесе лицензиялық кілттерді орнату тапсырмаларын қолданған жөн.
Басына оралу